Posted in Ուսպլան, Առցանց ուսուցում 8, Ընդհանուր

ՈՒՍՈՒՄՆԱՌՈՒԹԱՅԱՆ ՊԱՅՄԱՆԱԳԻՐ

Ուսումնական պայմանագիր

ԵՍ ԻՐԱՎՈՒՆՔ ՈՒՆԵՄ

4.1. Ուսումնական նպատակներով օգտվելու Կրթահամալիրի ուսուցման բոլոր միջոցներից, այդ թվում`
համակարգիչներից, համացանցից և թվային այլ միջոցներից, ուսումնական տարածքներից:

Կրթվելու նպատակով օգտվում եմ դպրոցի կողմից տրամադրված տարբեր միջոցներից:

4.2.Սահմանված կարգով ընտրելու ուսումնական պլանով որոշված իր նախասիրած գործունեությունը (ընտրությամբ գործունեության ծրագիրը), լրացուցիչ կրթության ծավալը:

Տարվա մեջ երկու անգամ ես կարողանում եմ ընտրել իմ ընտրությամբ գործունեության ծրագիրը:

4.3. Սահմանված կարգով ստանալու հեռավար, առցանց ուսուցում:

Մինչև այս ես երբեք չեմ օգտվել դպրոցի առցանց ուսուցումից, սակայն գիտեմ,որ տարվա մեջ հիմնավոր պատճառներով դպրոցից բացակայելու դեպքում դպրոցն ապահովելու է իմ ուսուցումը, թեկուզ հեռավար:

4.4. Սահմանված կարգով ընտրելու մարզաձևը:

Ես ազատ կարողացել եմ ընտրել իմ ուզած մարզաձև:

4.5. Հարցեր ուղղելու դասավանդողներին, Տնօրենին, Կրթահամալիրի տնօրենին, խորհրդին, մասնաժողովին:

Անհրաժեշտության դեպքում դիմել եմ դասավանդողներիս, տնօրենին առանց որևէ դժվարությունների:

4.6. Մասնակցելու առցանց քննարկումներին, Դպրոցի կայքում նյութեր հրապարակելու:

Դպրոցի կայքում իմ նյութերից կան հրապարակվածներ, մասնակցել եմ առցանց քննարկումներին և որևէ խնդրի առաջ չեմ կանգնել այս կետով:

4.7. Հայց ներկայացնելու Կրթահամալիրի խաղարկային դատարան:

Առիթ չեմ ունեցել նման բան անելու, բայց կարծում եմ, որ սա շատ կարևոր կետ է դպրոցի կանոնադրության և սովորողի իրավունքների մեջ:

ԵՍ ՊԱՐՏԱՎՈՐ ԵՄ

5.1. Չխախտել Կանոնները, ուսումնառության ընթացքում հարգել այլոց իրավունքները:

Համաձայն եմ այս կետի հետ, և այս պահանջը կատարում եմ:

5.2. Պահպանել անվտանգության կանոնները:

Դպրոցում պահպանում եմ անվտանգության կանոնները:

5.3. Չուշանալ ուսումնական պարապմունքներից և մասնակցել ուսումնական պլանով որոշված բոլոր
պարապմունքներին. ուսումնական պարապմունքի ժամանակը այլ նպատակով չօգտագործել:

Աշխատում եմ այնպես անել, որպեսզի ուշացումներ չունենամ դասաժամերից:

5.4. Բացակայության դեպքում նախօրոք տեղեկացնել սահմանված կարգով:

Բացակայություններիս մասին միշտ տեղեկացրել եմ կազմակերպչին:

5.5. Սահմանված կարգով մասնակցել ուսումնական պլանով որոշված ճամբարներին, ստուգատեսներին,ծեսերին, տոներին:

Տարվա ընթացքում աշխատել եմ, որպեսզի մասնակցեմ յուրաքանչյուրից գոնե մեկ անգամ:

5.6. Սահմանված կարգով մասնակցել ուսումնական ճամփորդություններին, ուսումնա-հասարակական նախագծերի իրականացմանը:

Փորձել եմ մասնակցել, սակայն կարծում եմ որ չի կարելի սա համարել պարտավորություն, և սովորողը պարտավոր չի տարվա մեջ մեկ կամ մի քանի անգամ մասնակցել նշվածներից՝ եթե չունի ցանկություն:

5.7. 3-րդ դասարանից վարել իր ուսումնական բլոգը:

Համաձայն եմ այս կետի հետ:

5.8. Հետևել կայքին, դասավանդողների ուսումնական բլոգներին և սահմանված կարգով մասնակցել կայքի աշխատանքներին:

Հետևում եմ նշվածներից բոլորին,և շատ եմ կարևորում այս պարտավորությունը:

5.9. Վարել էլեկտրոնային հասցե, պատասխանել ուսուցչի, Դպրոցի կազմակերպչի, Տնօրենի, գրասենյակի ղեկավարի, Կրթահամալիրի տնօրենի էլեկտրոնային նամակներին:

Հետևում եմ նշվածներից յուրաքանչյուրին օրվա մեջ մեկ կամ մի քանի անգամ, եթե առկա չեն լինում խնդիրներ: Սա շատ կարևոր կետ է սովորողի պարտավորությունների մեջ:

5.10. Մասնակցել հիգիենիկ պահանջների պահպանմանը, ուսումնական տարածքի և գույքի խնամքին. ուսումնական պարապմունքների հաճախել կոկիկ հագնված:

Համաձայն եմ այս կետի հետ:

5.11.Սահմանված կարգով ներկայացնել ուսումնական գործունեության հաշվետվությունները։

Փորձում եմ ներկայացնել հաշվետվությունները կամ առաջադրանքներն ուսուցչի տված ժամկետների մեջ:

Posted in Ընդհանուր

Ուրբաթ- համերգ

Համակարգող-հեղինակ՝ Դավիթ Մնացականյան, Քնարիկ Հակոբյան, Արաքս Քալիճյան

Վարող՝ Սյուզի Մարգարյան

Հնչյունային օպերատոր՝ Դավիթ Մնացականյան

Ծրագրի ղեկավար՝  Լուսինե Բուշ

Բովանդակությունը՝ երգչախմբային արվեստանոց

Իրականացումը՝ «Լույսեր, գույներ, ղողանջներ, մեղեդիներ, ազդեցություններ» ստուգատեսով

Մասնակիցներ՝ կրթահամալիրի Միջին դպրոցի սովորողներ,  դասավանդողների երգեցիկ խմբեր, ծնողներ, հյուրեր…

Երաժիշտներ՝ Լուիզա Քեշիշյան, Աննա Երիցյան
Պարուսույցներ՝ Հայարփի Անանյան, Լաերտ Գրիգորյան
Նվագակցող՝ Լիլիթ Առաքելյան

Ծրագրում.

  • Թումանյան 150. միասնական ընթերցանություն. քառյակներ

Հե՜յ ագահ մարդ, հե՜յ անգոհ մարդ, միտքըդ երկար, կյանքդ կարճ,
Քանի՜ քանիսն անցան քեզ պես, քեզնից առաջ, քո առաջ.
Ի՜նչ են տարել նրանք կյանքից, թե ինչ տանես դու քեզ հետ,
Խաղաղ անցիր, ուրախ անցիր երկու օրվան էս ճամփեդ։

Միասնական երգ՝ Ռ․Հախվերդյան ձյուն

Երգ՝ Snowman

Պար 8-րդ դասարանցիներ Hip-hop

Միջին դպրոցի երգչախումբ՝ 150 սովորող.

  • Թումանյան 150. միասնական ընթերցանություն.

«Պատրանք»

Վեր է կացել էն սարում
Մեր Չալակը իր թևից.
Գնում է մութ անտառում,
Քաջ ախպերս ետևից։

Զրնգում են նրանք խոր
Էն անտառում կուսական.
Ես կանչում եմ նորից նոր,
Ինձ թվում է, թե կգան…

Զո՜ւր… վաղուց են, ա՜խ, նրանք
Մեր սարերից գընացել.
Էն զիլ ձեներն են մենակ
Իմ ականջում մնացել…

Ուսուցչական երգչախումբ. Ռ. Ամիրխանյան «Դու իմ երգն ես»

Միասնական երգ․ Feliz Navidad

Լույսերի ֆլեշմոբ մարմարյա սրահում

Միասնական երգ  One I’ve Been Missing

Միասնական պար Իշխանաց պար,Լաչին

Posted in Գրականություն 8, Ընդհանուր

Ես․․․

Ես Քնարիկ Հակոբյանն եմ, 13 տարեկան, սիրում եմ երգել, նվագել և ընթերցել։ Ութ տարի սովորել եմ դաշնամուր, վեց տարի վոկալ։ Սիրում եմ դիտել արտասահմանյան ֆիլմեր։ Ունեմ շատ ընկերներ, շատ եմ կրևորում ընկերների ներկայությունը իմ կյանքում։ Իմ բոլոր ընկերները շատ լավն են, բարի, ուրախ և ես երբեք նրանց կողքին ինձ տխուր չեմ զգացել։ Ես այս տարի ընդունվեցի Մխիթար Սեբաստացի կրթահամալիր, որտեղ ձեռք բերեցի նոր ընկերներ։ Ես ամեն օր մեծ սիրով հաճախում եմ դպրոց։ Այս դպրոցն ինձ դուր է գալիս ամեն տեսանկյունից։ Այս դպրոցում կարևորվում է յուրաքանչյուր երեխայի նախասիրությունները։ Այստեղ ամեն օրս անցնում է շատ ուրախ և հագեցած։   

Posted in Ընդհանուր

Ամառային իմ արկածները

Տարվա իմ ամենասիրելի եղանակը ամառն է և ես վստահ էի, որ այս տարի իմ ամառը անցնելու է շատ լավ և տարբերվելու է իմ մյուս ամառներից։ Ամառվա սկզբին ես հանձնեցի իմ ավարտական քննությունները՝ երաժշտական դպրոցում։ Քննությունների ավարտից 1 շաբաթ անց ծնողներիս հետ ուղևորվեցի Ռուսաստան։ Ռուսաստանում են բնակվում իմ շատ սիրելի քեռիները, մորաքույրը և հորեղբայրները։Այնտեղ տեղի ունեցավ իմ փոքր քեռու հարսանեկան արարողությունը։ Մենք միասին անցկացրեցինք լավ ժամանակ։

Մի քանի շաբաթ անց մենք վերադարձանք Հայաստան։ Ես մեծ քրոջս և փոքր եղբորս հետ գնացի Հանքավանի <<Զեփյուռ>> ճամբար, որտեղ ես ձեռք բերեցի նոր ընկերներ։ Մենք միասին խաղում էինք, լողում, արշավում։

 Ճամբարում մենք մնացինք 2 շաբաթ։ Քաղաք վերադառնալուց հետո մենք գնացինք գյուղ։ Այնտեղ իմ տատիկն ու պապիկը ունեն մեծ այգիներ, որտեղ աճում են բաղմաթիվ ծառեր, ծաղիկներ և այլ  բուսատեսակներ։ Մեր գյուղը գտնվում է ք. Գյումրիի հարևանությամբ և մենք որոշեցինք մեկ օր անցկացնել Գյումրիում:

 Երկար ժամանակ գյուղում անցկացնելուց հետո վերադարձանք քաղաք։ Ես և փոքր եղբայրս գնացինք Մխիթար Սեբաստացի կրթահամալիրի մուտքի ճամբար։ Մենք դպրոցի աշակերտների և ուսուցիչների հետ ուղևորվեցինք Սևան, որտեղ անցկացրեցի շատ լավ ժամանակ։

 2019 թվականի ամառը անցավ շատ ուրախ և անմոռանալի։