Posted in Գրականություն 9, Իմ գրադարանը

Մարկ Լևի «Պարոն Դալդրիի տարօրինակ ճամփորդությունը»

Բովանդակություն

«Պարոն Դալդրիի տարօրինակ ճամփորդությունը վեպը» (2011) ֆրանսիացի հայտնի ժամանակակից գրող Մարկ Լևիի հայերեն թարգմանված առաջին ստեղծագործությունն է։ Հեղինակն իրեն հատուկ ռոմանտիկ ոճով հյուսում է մի գեղեցիկ, հուզիչ սիրո պատմություն։ Հետևելով բախտագուշակի կանխատեսումներին՝ վեպի հերոսուհին՝ Ալիսը, որը տաղանդավոր օծանելիքագործ է, երկար ճամփորդություն է կատարում դեպի թուրքիա, որտեղ հանդիպում է իր կյանքի տղամարդուն։ Այստեղ Ալիսը բացահայտում է իր կյանքի իրական պատմությունը։

Գրողի մասին

Ծնվել է 1961թ․ Բուլոնում, հրեաների ընտանիքում։ 1976-ին վեց ամիս ղեկավարել է Կարմր Խաչի ճարտարապետական գրասենյակը, այնուհետև աշխատել նաև ԱՄՆ-ում՝ ղեկավարելով տարբեր կազմակերպություններ։ 1991-ին վերադարձել է Ֆրանսիա։
Մարկ Լևիի առաջին վեպը՝ «Եթե միայն դա ճիշտ լիներ», նախ հրատարակվեց Ֆրանսիայում 2000թ․, ապա 2001-ին՝ ԱՄՆ-ում։ Այն միանգամից դարձավ բեսթսելեր, իսկ 2005-ին էկրանավորվեց Սթիվեն Սփիլբերգի կողմից։ Մարկ Լևին 15 վեպի հեղինակ է։ Նրա գործերը թարգմանվել են 49 լեզվով և վաճառվել ավելի քան 31․000․000 օրինակ։
Բացի վեպից, գրել է նաև կարճ պատմվածքներ, բառեր երգերի համար, ինչպես նաև ֆիլմ է նկարահանել։

Մեջբերում

Դալդրին ավելի ամուր գրկեց Ալիսին։
-Ի՞նչ է, չե՞ք ուզում։
-Ես՝ անշո՛ւշտ, բայց դուք։ Դուք դեռ իմ բոլոր թերությունները չգիտեք։ Միգուցե ժամանակի հետ չկարողանակ դրանք տանել։
-Իսկ եթե դեռ ծանոթ չեմ ձեր բոլոր արժանիքներ՞ն։
-Իրո՛ք, այդ մասին չէի մտածել․․․

Կարծիք

Վեպը շատ հավանեցի, այն սովորեցնում է չվախենալ ցանկություններից և միշտ փորձել հասնել դրանց։ Չպետք է մտածես, որ չես կարող կամ դա շատ բարդ է քեզ համար և ես կանգնես քո նպատակից։ Պետք է պայքարել, ձգտել հասնել նրան ինչի մասին մտածում ես։ Եթե այս պատմվածքում Ալիսը փոշմաներ և չմեկներ ճամփորդության չէր հանդիպի իր եղբորի, որի գոյության մասին անգամ չգիտեր։ Ճանապարհորդության շնորհիվ հարևանի հետ երկար ժամանակ չէր անցկացնի և չէր ել սիրի նրան։ Պետք է պայքարել ամեն պարագայում և երբեք չկոտրվել։

Posted in Գրականություն 9, Իմ գրադարանը

Սյունե Սևադա «Կախվածություն»

This image has an empty alt attribute; its file name is i

Բովանդակություն

«Կախվածություն» գիրքը պատմվածքների ժողովածու է։
Սյունե Սևադայի «Կախվածություն» պատմվածքների ժողովածուն ներառում է գրողի՝ վերջին երեք տարվա աշխատանքները։ Պատմվածքի թեմաները չունեն ուղղվածություն, որոշները սոցիալական են, որոշները՝ ավելի զգայական, մի մասում մարդու ներսի պայքարն է՝ բռնության, սեփական ցանկությունները զսպելու, անհաշտ լինելու հետ, կամ էլ դրսի պայքարը․ որոշ պատմվածքներ հղում ունեն Արցախյան ազատամարտին։
Պատմվածքներում հիմնականում նկատվում է հավասարության, խաղաղության ու ազատության ձգտելու գիծը։
Գիրքը վերնագրած է «Կախվածություն», քանի որ կերպարները չեն փորձում փախչել խնդիրներից՝ չնայելով ներսի-դրսի հանգամանքներին, այլ կարծես բոլորն էլ մնում են՝ իրար կողքի, նույն երկրում, նույն իրավիճակում՝ անկախ բոլոր դժվարություններից՝ ընտրելով լուծումը՝ փախուստի փոխարեն։ Եվ գիրքն էլ կարծես թե ցանկանում է մարդկանց հուշել դադարեցնել փախուստը՝ առաջարկելով մնալ, ընդունել ու փոխել՝ կախվածությունը, գրքի ընդհանուր ենթատեքստում ներկայացնելով դրական լույսի տակ՝ կյանքից կախվածություն ունենալով։

Գրողի մասին

Սյունե Սևադան ծնվել է 1995 թվականի հունվարի 16-ին Ռուսաստանի Դաշնությունում՝ Ուդմուրտիայի Հանրապետության Սարապուլ քաղաքում։ Երեք տարեկանում տեղափոխվել է Հայաստան՝ Երևան։ 2001-2009 թվականներին սովորել է Պեո Յավորովի անվան 131 միջնակարգ դպրոցում, այնուհետև շարունակել կրթությունը Մխիթար Սեբաստացի կրթահամալիրում։ 2012-2016 թվականներին սովորել է ԵՊՀ ժուռնալիստիկայի ֆակուլտետում։

Մեջբերումներ

  • Պատերազմը ստիպում է հաշվել այն, ինչ խաղաղության մեջ չես հաշվի։ Օրինակ՝ թութը։ Կամ ոտքերը։ Խաղաղությանը մեկ է՝ քանի ոտք է քայլում փողոցում։ Պատերազմը ստիպում է հաշվել, ու հաճախ զույգ թվի փոխարեն կենտ թիվ ես տեսնում։
  • Կյանքը դերասան է, մարդիկ՝ թատրոններ։ Ու ես չգիտեմ՝ ինչպես դառնալ քո թատրոնը՝ անգամ եթե հետս ուղղակի խաղալու ես։ Կամ ինչպես կյանքին համոզեմ, որ հետդ դերասանություն անի, համոզի-բերի։ Գրողը քեզ տանի։ Չէ՛, չտանի, բերի։ Գրողը քեզ բերի, քո բերրի գործունեությունից պոկի, թեկուզ՝ բռի, ու բերի։
  • Ամեն բան երկկողմանի է։ Պիտի զգաս, շնչես, շոշափես, սիրես, ցավես, կորցնես, ձգտես, հաղթես, տանջվես։ Անտարբերությունից ավելի վատ բան չկա, մարդիկ դա լավ են հասկացել։ Սա բոլոր դեպքերում է գործում, անգամ՝ էլեկտրատեխնիկայի։ Հենց որևէ իր սկսում ես քիչ օգտագործել ու չես հիշում իր մասին, փչանում է։
  • Փոխանցեք, որ կան մարդիկ, որոնք գրկելու յուրօրինակ ձեռագիր ունեն։ Իր գրչային ձեռագիրը չեմ տեսել, բայց գրկելու ձեռագիրը գիտեմ։ Ասացեք, որ այդ ձեռագրին փոխարինող ինչ-որ բան չեմ փնտրի։ Որովհետև չեմ գտնի։ Իսկ ես չեմ սիրում անիմաստ ժամանակ ծախսել։ Հետո էլ, այդ ձեռագիրը չափից դուրս հարազատ է՝ փոխարինող մի բան գտնելու համար։

Կարծիք

Գիրքը սովորեցնում է չփախչել խնդիրներից անկախ բոլոր դժվարություններից՝ փորձել գտնել լուծումը՝ փախուստի փոխարեն։ Գրքի ընդհանուր ենթատեքստում ներկայացվում է դրական լույսի տակ՝ կյանքից կախվածություն ունենալով։ Շատ գեեցիկ գիրք է, այս գիրքը կլուսավորի ձեր միտքը։

Posted in Գրականություն 9, Իմ գրադարանը

Դանիել Սմիթ «Մտածել ինչպես Շեռլոկը»

Բովանդակություն

Այս գիրքը հարուստ է վարժություններով, գիտական հիմնավորումներով և Շեռլոկ Հոլմսի մասին պատմվածքներից մեջբերումներով։
Գիրք անդրադառնում է հիշողության, ոչ խոսքային հաղորդակցության, ստի բացահայտման, ներքին զգացողության, ունկնդրելու հմտությունների, զգոնության, կենտրոնացման, հանգստի, տրամաբանության, արագ ընթերցանության, դիտողականության, տեղեկույթի գաղտնագրման ու գաղտնազերծման, ինչպես նաև շատ այլ թեմաների։
Այս գիրքը կարդալուց հետո վերնաշապիկի թևքերին, տաբատի փողքերին կամ կոշիկի մաշվածությանը կսկսես այլ կերպ նայել։

Գրողի մասին

Դանիել Սմիթն աշխատում է հրատարակչական ոլորտում՝ որպես գրող և խմբագիր, ինչպես նաև զբաղվում է ոչ գեղարվեստական գրականությամբ։ Նրա հեղինակած գրքերից են՝ «Շեռլոկ Հոլմս․ տարրական ուղեցույց», «Մոռացված ռահվիրաններ․ կորած առաջամարտիկների, ուղղությունների հիմնադիրների և նորարարությունների համառոտ պատմություն», «Կարծում ես՝ ամեն ինչ գիտե՞ս»։ Երբ գրադարանում գրքերի մեջ թաղված չի լինում, ապրում է Արևելյան Լոնդոնում կնոջ՝ Ռոզիի և իր տարատեսակ ձկների հետ։

Մեջբերումներ

Մի քանի խորհուրդ, որոնք կնպաստեն խոսակցության ժամանակ լսողական հմտությունների զարգացմանը։

Հարցե՛ր տուր
Այդ կերպ զրուցակցիդ ոգևորում ես խոսելու, իսկ քեզ ունկնդրելու հնարավորություն ես տալիս։

Մի՛ ընդհատիր
Հեռո՛ւ մնա ընդհատելու գայթակղությունից, նույնիսկ եթե ընդհատելուդ նպատակը նրա ասածի հետ համաձայնությունդ արտահայտելն է։ Միաժամանակ լսել և խոսել չափազանց բարդ հմտություն է։

Ուշադրությունդ կենտրոնացրո՛ւ խոսողի վրա
Չափազանց պարզ է հնչում, բայց մի պահ մտածի՛ր, թե որքան հաճախ է պատահել, որ քեզ ծանոթացրել են ինչ-որ մեկի հետ, ում անունը մեկ րոպե անց մոռացել ես։

Մի՛ շեղվիր
Եթե ցանկանում ես իսկապես լսել խոսակցիդ, փորձի՛ր զրուցել այնպիսի վայրում, որտեղ նրա մեջքի հետևում միացված հեռուստացույց չկա, որով հեռարձակում են ֆուտբոլային հանդիպում, կամ որտեղ աչքիդ չի երևա քո նախկին սիրեցյալը։ Խոսակցի հետ տեսողական կապ պահելը լսողությունը կենտրոնացնելու լավ միջոց է։

Կրկնի՛ր
Տարօրինակ կարող է թվալ, բայց առանձնահատուկ հետաքրքրություն ներկայացնող ինչ-որ բանի կրկնելը, որ հնչել է խոսակցության ժամանակ, այն մտապահելու հիանալի միջոց է։ Կարող ես ցածրաձայն կրկնել ինքդ քեզ համար այնպես, որ խոսակիցդ չլսի, այլապես կարող է ընկճվել՝ մտածելով, թե իրեն ես նմանակում։

Կարծիք

Գիրքը օգնում է զարգացնել դիտելու, հիշելու և եզրահանգումներ անելու հմտությունները։ Գիրքն ընթերցելուց հետո դու ավելի լավ կկարողանաս նկատել շրջապատում տեղի ունեցող փոփոխությունները և ամեն ինչի արդեն կնայես ուրիշ հայացնով։

Posted in Գրականություն 9, Իմ գրադարանը

Ռոբին Շարմա «Վանականը, որը վաճառեց իր «ֆերարին»

Բովանդակություն

Ռոբին Շարմայի «Վանականը, որը վաճառեց իր «ֆերարին» գիրքը համաշխարհային բեսթսելերների շարքում է։
Կառավարիր միտքդ։ Հետևիր նպատակիդ։ Տիրապետիր վերահսկողության արվեստին։ Հարգիր ժամանակդ։ Ունեցիր «ոչ» ասելու համարձակություն։ Պարզեցրու կյանքդ։ Անշահախնդիր ծառայիր մարդկանց։ Ամեն օր բարություն արա։ Երախտապարտ եղիր։ Ապրիր ներկայով և սովորիր վայելել այն։ Գնա ճակատագրիդ ընդառաջ։
Ահա այս և մի շարք նման խորհուրդների, հնարքների միջոցով Ռոբին Շարման իր հերոսի՝ վանական դարձած նախկին միլիոնատեր իրավաբան Ջուլիան Մենթլի միջոցով օգնում է մեզ զբաղվել անձնական հոգևոր աճով։
Գիրքը հասցեագրված է բոլոր նրանց, ովքեր ուզում են փոխել իրենց մտածելակերպը, չեն վախենում դժվարություններից և փորձում են կյանքում առաջ գնալ ու հասնել հաջողությունների։

Գրողի մասին

Ռոբին Շարման միջազգային համբավ ունեցող ամենախոշոր մասնագետներից մեկն է անձի զարգացման, նպատակադրման և լիդերության գաղտնիքների ընկալման հարցերում։
Ջուլիան Մենթլի պատմությունը հենց Շարմայի պատմությունն է։Ինչպես իր հերոսը՝ հեղինակը նույնպես երազում էր հաջողակ լինել որպես փաստաբան, բայց շատ արագ հասկացավ, որ ժամանակակից աշխարհում հաջողության հասնելու ընդունված ռազմավարությունները նվազ արդյունավետ են։
Նա թողեց իրավագիտությունը և սկսեց փնտրել սեփական ուղին։ Իր կոչման փնտրտուքներում նա շրջեց աշխարհով մեկ՝ ուսումնասիրելով Արևելքի և Արևմուտքի իմաստունների փորձը։
Շարման փայլուն միավորել է անձնական արդյունավետության արևմտյան ռազմավարությունների մտքի, մարմնի և հոգու կատարելագործման արևելյան տեղնիկաների հետ։ Շարմայի համակարգի փորձարկած հազարավոր մարդիկ կարողացել են փոխել իրենց խակատագիրը և իրականացնել երազանքները։

Մեջբերումներ

  • Երջանկության գաղտնիքը պարզ է․ բացահայտիր, թե ինչն է քեզ իսկապես հաճույք պատճառում և ողջ էներգիադ կենտրոնացրու այդ ուղղությամբ։ Երբ սա անես, կյանքդ կլցվի, և քո բոլոր ցանկությունները հեշտ ու հանգիստ կիրականանան։
  • Երբեք մի անտեսիր լիաթոք ուրախանալու կարևորությունը։ Ուշադրություն դարձրու քեզ շրջապատող աշխարհի գեղեցկությունը։
  • Այս օրը և մեր զրույցի հենց այս ակնթարթը կյանքի պարգև է։ Կենտրոնացիր քո նպատակի վրա։ Մնացածի մասին կհոգա տիեզերքը։
  • Տիեզերքը պարգևատրում է համարձակներին։ Երբ դու մեկընդմիշտ որոշես փոխել կյանքդ, քո հոգու ուժը կառաջնորդի քեզ դեպի հրաշքներով լի մի կախարդական աշխարհ։
  • Շարունակիր պայքարել անցյալի մտքերի դեմ, որոնք, հնարավոր է, թաքուն բույն են դրել գլխումդ։ Դրանք, ի վերջո, կհեռանան անկոչ հյուրի պես։
  • Մենք բոլորս ծնվել ենք մի ինչ-որ հատուկ առաքելությամբ։ Մի եղիր անցյալիդ գերին, դարձիր ապագայիդ ճարտարապետը։

Կարծիքներ

  • «Շշմելու գիրք է։ Այս գիրքը կլուսավորի ձեր կյանքը» Մարկ Վիկտոր Հանսեն
  • «Գիրքը թույլ է տալիս հասկանալ, թե սեփական անձի համար ինչն է իսկապես կարևոր՝ նյութական արժեքներից զատ» Միշել Յեո
  • «Գիրքը լույս է սփռում կյանքի կարևորագույն հարցերի վրա» Էդմոնտոն Ջըրնըլ
  • «Սա իսկական հաջողության և երջանկության հզոր բանաձև է։ Ռոբին Շարման որսացել է դարերի իմաստությունը և այն համապատասխանեցրել այս փոթորկուն ժամանակներին։ Ես չէի կարողանում կտրվել գրքից» Ջո Թայ