Posted in Պատումներ

Ձմեռային ճամբարի երկրորդ շաբաթվա ամփոփում

Կարծում եմ դժվար է ընդամենը մեկ շաբաթ ուսումնասիրել երկրներ, ինչպիսիք են՝ Իսպանիան, Իտալիան և Ֆրանսիան, որովհետև նմանատիպ երկրների մասին սովորելու շատ բան կա։ Նախորդ մեկ ամբողջ շաբաթը կենտրոնանալով տվյալ երկրների վրա, հասկացանք, որ մեկ շաբաթը շատ քիչ է։ Կրկին քննարկումներով, ֆիլմերով, ինտելեկտուալ խաղերով անցկացրեցինք շաբաթը, սակայն այս շաբաթ բացի ուսումնասիրելուց, ունեցանք նաև հանդիպումներ տվյալ երկրներում եղած և իրենց հետքը այդ երկրների մշակույթի մեջ թողած ստեղծագործողների հետ։

Երգել և գրել է իսպաներեն, հայերեն լեզուներով, ստեղծելով կապ երկու երկրների մշակույթների միջև, հնարավոր դարձավ Լիլիթ Բլեյանի համար։ Հանդիպման մասին ավելին այստեղ։

Սկսել ստեղծագործական կյանքը զրոյից, և հասնել բարձրունքների քչերին է հաջողվում, սակայն իր աշխատասիրոթյամբ և ձգտման տենչանքով, այդ ամենին հասավ քանդակագործ Վիգեն Ավետիսը։ Հանդիպման մասին ավելին այստեղ։

Միասնական-ինտելեկտուալ խաղեր, որոնք մեզ հնարավորություն տվեց ավելի լավ ճանաչել մեր ընկերներին և երկրներին։ Այդ խաղերը, բացի մեզ ինչ-որ բան սովորեցնելուց նաև մեզ օգնում են ավելի լավ ճանաչել երկրների մշակույթային արժեքները, գործիչնեին և ծագումնաբանությունը։ Խաղացինք տասներկուերորդ դասարանցիների կողմից կազմված իսպաներեն խաղ, որի ժամանակ ստացանք բազմաթիվ տեղեկություններ Իսպանիայի մասին։

Սովորեցինք իսպաներեն, իտալերեն և ֆրանսերեն երգեր, որոնց միջոցով սերը և հետաքրքրությունը լեզուների հանդեպ ավելի մեծացավ։

Այս ամենից զատ, ունեցանք մաթեմատիկայի, պատմության խորհրդատվության ժամերեր, որոնց ընթացքը շատ հետաքրքիր և ծավալուն էր։ Ունեցանք երգչախմբային և պարի դասաժամեր, որոնց միջոցով ավելի լավ ճանաչեցինք մեր ազգային մշակույթը։ Ռազմամարզական դասեր ունեցանք, որոնց շնորհիվ դառնում ենք ավելի պատրաստված և կազմակերպված։

Շաբաթն ամփոփեցինք մեդիա-ուրբաթով, որի ժաանակ ներկայացրինք մեր ազգային պարերը, երգերը։ Նաև տեղի ունեցավ մրցանակաբաշխություն և պարգևատրվեցինք և՛ ուսուցիչները, և՛ աշակերտները։

Posted in Պատումներ

Ձմեռային ճամբարի առաջին շաբաթվա ամփոփում

Մեկ շաբաթ շարունակ մեր ուշադրության կենրոնում էին Իսպանիան, Իտալիան և Ֆրանսիան՝ երկրներ, որոնց մասին կարելի է անվերջ խոսել։ Քննարկումներ, ֆիլմեր, ինտելեկտուալ խաղեր, այս բաղադրիչներով եզրափակեցինք ձմեռային ճամբարի առաջին շաբաթը։

«Cuerdas»՝ իսպանական արտադրության մուլտֆիլմ, որից կարող է ծավալվել անվերջ քննարկումներ, տարատեսակ կարծիքներ և մտքեր։ Կան կարծրատիպեր, որ մուլտֆիլմերը մանկությունն անցկացնելու միջոց են, սակայն ես ընդհանրապես համաձայն չեմ այդ մտքի հետ, որովհետև նույնիսկ ամենահասարակ մուլտֆիլմը ունի խորը իմաստ, և տվյալ պարագայում այս մուտֆիլմը՝ «Cuerdas»-ը կգերադասեի, որ մեծահասակները անպայման դիտեն և մտածեն, թե իրենք ինչ մոտեցում ունեն իրենցից տարբերվող, առողջական խնդիրներ ունեցող մարդկանց հանդեպ։

Միասնական-ինտելեկտուալ խաղեր ճամբարի ընթացքում շատ խաղացինք, որը մեզ հնարավորություն տվեց ավելի լավ ճանաչել մեր ընկերներին, նրանց կարծրատիպերը և մտքերը։ Այդ խաղերը, բացի մեզ ինչ-որ բան սովորեցնելուց նաև մեզ օգնում են ավելի լավ ճանաչել երկրների մշակույթային արժեքները, գործիչնեին և ծագումնաբանությունը։

Սովորեցինք իսպաներեն, իտալերեն և ֆրանսերեն երգեր, որոնց միջոցով սերը և հետաքրքրությունը լեզուների հանդեպ ավելի մեծացավ։

Այս ամենից զատ, ունեցանք մաթեմատիկայի, պատմության խորհրդատվության ժամերեր, որոնց ընթացքը շատ հետաքրքիր և ծավալուն էր։ Ունեցանք երգչախմբային և պարի դասաժամեր, որոնց միջոցով ավելի լավ ճանաչեցինք մեր ազգային մշակույթը։ Ռազմամարզական դասեր ունեցանք, որոնց շնորհիվ դառնում ենք ավելի պատրաստված և կազմակերպված։

Ճամբարը չանցավ միայն ուսումնական միջավայրում, ճամբարի ժամանակ ունեցանք այցելություն սահադաշտ։ Ըստ իս, ընկերներ ձեռք բերելու, և նրանց ավելի լավ ճանաչելու ամենալավ միջոցը միասին ճամփորդելն է և տարբեր վայրերի բացահայտումը։

Այսպես ծավալուն, հետաքրքիր և ուսուցողական և ընկերական միջավայրում ավարտվեց ձմեռային ճամբարի առաջին շաբաթը։

Posted in Պատումներ, Անգլերեն 9, Իսպաներեն 9

Հանդիպում Վիգեն Ավետիսի հետ / Encuentro con Viguén Avetis / Meeting with Vigen Avetis

Հանդիպում Վիգեն Ավետիսի հետ

Այսօր՝ հունվարի 20-ին ունեցանք հանդիպում քանդակագործ՝ Վիգեն Ավետիսի հետ։ Վիգեն Ավետիսը հայազգի քանդակագործ է, ով սովորել և ստեղծագործել է Իտալիայի Ֆլորենցիա քաղաքում։ Հանդիպման ժամանակ ունեցանք շատ հետաքրքիր զրույց։ Վիգեն Ավետիսը սկզբում մի փոքր պատմեց իր մասին և իր ստեղծագործական կյանքի մասին, այնուհետև մենք ուղղեցինք հարցեր, որոնք մեզ շատ էին հետաքրքրում և Վիգեն Ավետիսը շատ մանրամասն և ոգևորված պատասխանում էր յուրաքանչյուր հարցին։ Նա խոսեց իր մանկությունից, պատանեկությունից, ընդունելություններից, պատվերներից և կյանքից։ Նրա հետ շատ հետաքրքիր անցավ, և կցանկանայի, որ նման հանդիպումներ հաճախ լինեն։

Encuentro con Viguén Avetis

Hoy, 20 de enero, tuvimos un encuentro con el escultor Viguén Avetis. Él  es un escultor armenio que estudió  en Florencia, Italia. Tuvimos una conversación muy interesante durante la reunión. Viguén Avetis primero contó un poco sobre sí mismo, sobre su vida creativa, luego hicimos preguntas que nos interesaron mucho, y él respondió a cada pregunta. Habló de su infancia, adolescencia, recepciones, órdenes, vida. Fue muy interesante con él, y me gustaría que tales reuniones fueran frecuentes.

Meeting with Vigen Avetis

Today, on January 20, we had a meeting with sculptor Vigen Avetis. Vigen Avetis is an Armenian sculptor who studied and created in Florence, Italy. We had a very interesting conversation during the meeting. Vigen Avetis first told a little about himself, about his creative life, then we asked questions that interested us a lot, Vigen Avetis answered each question in great detail. He spoke about his childhood, adolescence, receptions, orders and life. It was very interesting with him and I would like such meetings to be frequent.

Posted in Պատումներ, Իսպաներեն 9

Հանդիպում Լիլիթ Բլեյանի հետ

Ինչպես ասել է Մարտին Լյութեր Քինգը․ «Պետք է ժամանակը ստեղծագործաբար օգտագործել»։ Իսկ ի՞նչն է համարվում ստեղծագործություն։ Ըստ ինձ ստեղծագործությունը այն է, ինչ գալիս է սրտից և արտահայտվում երգի, բանաստեղծության, նկարի և քանդակի միջոցով։ Ստեղծագործելով, և իրենց սրտի խոսքը արտահայտելով արվեստի միջոցով ամենահրաշալի գործն է։

Այսօր՝ հունվարի 18-ին կրթահամալիր էր հյուրընկալել իրեն երաժշտությանը նվիրած Լիլիթ Բլեյանը։ Երգել և գրել է իսպաներեն և հայերեն լեզուներով, ստեղծելով կապ երկու երկրների մշակույթների միջև։

Ստանալով բազմաթիվ հարցերի պատասխաններ, ունկնդրեցինք իսպաներեն երգեր իր կատարմամբ։ Այնուհետև մենք՝ իսպանախոսներս, ներկայացրեցինք Լիլիթ Բլեյանի հեղինակային «Como Trenes en la Estacion» երգը մեր կատարմամբ։ Բացի երգից մենք նաև ունեցել էինք հարցազրույց Լիլիթ Բլեյանի քրոջ՝ Տաթև Բլեյանի, հոր՝ Աշոտ Բլեյանի և ուսուցչի՝ Տիար Յուրայի հետ։ Հանդիպման համար նաև պատրաստել էինք իսպանակ խմիչք՝ սանգրիա, որը հյուասիրեցինք ներկաներին։

Հետաքրքիր զրույցով, ունկնդրումներով և ընկերական միջավայրում ամփոփեցինք հանդիպումը։

Posted in Պատումներ, Իսպաներեն 9

Իսպանական խոհանոց «Մխիթար Սեբաստացի» կրթահամալիրում

Դեկտեմբերի 17-ին փոքր դահլիճում տեղի ունեցավ իսպանական ուտեստների ներկայացում և փորձարկում, ավագ դպրոցի իսպաներենի խմբի և խմբի դասավանդող՝ Ռուզաննա Սարգսյանի մասնակցությամբ։ Ներկա էին նաև կրթահամալիրի տնօրեն Աշոտ Բլեյանը և ավագ դպրոցի տնօրեն Մարթա Ասատրյանը։ Յուրաքանչյուրը պատրաստել էր իսպանական որևէ ուտեստ։ Սկզբում աշակերտներից յուրաքանչյուրը ներկայացրեց իր պատրաստած ուտեստի պատրաստման եղանակը, բաղադրիչները և մի փոքր այդ ուտեստի պատմությունից։ Բացի համտեսումից նաև զրուցեցինք և անցկացրեցինք լավ ժամանակ։

Posted in Հասարակագիտություն 9, Պատումներ

Հանդիպում ՄԱԿ ՓԳՀ արտաքին կապերի ղեկավար և կրթահամալիրի խորհրդի նախագահ Արամազդ Ղալամքարյանի հետ

Այսօր տեղի ունեցավ հանդիպում ՄԱԿ ՓԳՀ արտաքին կապերի ղեկավար և կրթահամալիրի խորհրդի նախագահ Արամազդ Ղալամքարյանի հետ։ Հանդիպման թման էր՝ «Ինչո՞ւ է լռում ՄԱԿ-ը» ։ Զրույցը շատ հետաքրքիր էր և տվյալ թեմայի վերաբերյալ նոր տեղեկություններ ստացանք և ստեղծված իրավիճակին նայեցինք ավելի իրավական տեսանկյունից։ Պարոն Արամազդը ներկայացրեց ՄԱԿ-ի գործունեության մասին և պատասխանեց մեզ հուզող բոլոր հարցերին։ Քննարկման ընթացքում խոսեցինք ՄԱԿ-ի գրասենյակի դիմաց կատարված։ Քննարկումն օգնեց երկրում ներկայիս ստեղծված իրավիճակը ավելի լավ հասկանալ և ընկալել։

Posted in Պատումներ

«Բարբառներ» ակումբի պարապմունք

Նոյեմբերի 26-ին Ավագ դպրոցի ընթերցասրահում տեղի ունեցավ «Բառբառներ» ակումբի երկրորդ պարապմունքը, որին ներկա էին Ավագ դպրոցի սովորողներ և դասավանդողներ, ինչպես նաև արցախցի մեր ընկերները ։ Պարապմունքի ընթացքում Վարդան Կարապետյանը և Աննա Երիցյանը ներկայացրեցին իրենց ծննդավայրերի՝ Սյունիքի և Տավուշի բարբառները։ Վարդան կարապետյանը արմատներով Սյունիքից է՝ Գորիսի Կոռնիձոր գյուղից, և ներկայացնում էր Սյունիքի, մասնավորապես իր գյուղի բարբառը, իսկ Աննա Երիցյանը արմատներով Տավուշից է՝ Բերդի տարածաշրջանի Արծվաբերդ գյուղից, և ներկայացնում էր Տավուշի, մասնավորապես իր գյուղի բարբառը։

Քանի որ պարապմունքը նվիրված էր սեբաստացու օրերին և ներկայացվում էր մեր կրթահամալիրի ունեցած կրթական կապերը Սյունիքի և Տավուշի հետ, ընկեր Վարդանը և ընկեր Աննան ներկայացրեցին վերջին երեք տարիներին դեպի Սյունիք և Տավուշ իրականացրած իրենց ճամփորդությունները և դրանց արդյունքում ունեցած ձեռքբերումները: Նրանք նաև կարդացին Տավուշի և Սյունիքի բարբառային մի շարք բառեր, որոնք բավականին շատ նմանություններ ունեին։ Պարապմունքի մասնակից արցախցի սովորողները նույնպես ներկայացրեցին իրենց բարբառը, արցախյան բարբառով կարդացին հետաքրքիր օրհնանքներ, իսկ վերջում ասմունքեցին նորից արցախյան բարբառով։

Շատ հետաքրքիր պարապմունք էր, որը, կարծում եմ շարունակական կլինի և մենք կրկին մասնակից կլինենք նման շատ հանդիպում-քննարկումների: