- Սահմանել հասարակական կազմակերպություն հասկացությունը
Ըստ «Հասարակական կազմակերպությունների մասին» օրենքի՝ հասարակական կազմակերպությունը «Հայաստանի Հանրապետության քաղաքացիների, օտարերկրյա պետությունների քաղաքացիների, քաղաքացիություն չունեցող անձանց և (կամ) իրավաբանական անձանց հասարակական միավորում է, որն ունի ոչ առևտրային կազմակերպության կարգավիճակ»: - Սահմանել պետական կազմակերպություն հասկացությունը
Շահույթ ստանալու նպատակ չհետապնդող, իրավաբանական անձի կարգավիճակ ունեցող ոչ առևտրային կազմակերպություն է, որն ստեղծվում է միայն մշակույթի, առողջապահության, սոցիալական, սպորտի, կրթության, գիտության, բնապահպանական և ոչ առևտրային այլ բնագավառներում գործունեություն իրականացնելու նպատակով:(Պետական ոչ առևտրային կազմակերպությունների մասին ՀՀ օրենք): - Արդյոք անհատ ձեռնարկատերը իրավաբանական անձ է
Նախ սահմանենք թե ով է անհատ ձեռնարկատերը.
Անհատ ձեռնարկատերն այն ֆիզիկական անձն է, որն իրավունք ունի, առանց իրավաբանական անձ կազմավորելու, ինքնուրույն, իր անունից և իր ռիսկով իրականացնել գործունեություն, որի հիմնական նպատակը գույք օգտագործելուց, ապրանքներ վաճառելուց, աշխատանքներ կատարելուց կամ ծառայություններ մատուցելուց շահույթ (եկամուտ) ստանալն է:
Իսկ Իրավաբանականանձ է համարվում այն կազմակերպությունը, որը, որպես սեփականություն, ունի առանձնացված գույք և իր պարտավորությունների համար պատասխանատու է այդ գույքով, կարող է իր անունից ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող։
Համեմատելով երկու տերմինների բացատրությունը կարող ենք եզրահանգել որ անհատ ձեռներեցը և իրավաբանական անձը չեն նույնանում,դրանք տարբեր են միմյանցից:Սակայն միանշանակ անհատ ձեռներեցը կարող է կազմավորել իրավաբանական անձ: - Արդյոք Սահմանափակ պատասխանատվությամբ ընկերությունը իրավաբանական անձի կարգավիճակ ունեցող կառույց է
Այո, ՍՊԸ-ն ինքնին իրավաբանական անձ է: Այսպես, իրավաբանական անձինք լինում են առևտրային և ոչ առևտրային, իսկ առևտրային կազմակերպությունները կարող են ներկայանալ 1)ՍՊԸ-ի, 2) Բաժնետիրական ընկերության (բաց կամ փակ) 3) Լիարժեք պատասխանատվությամբ ընկերության և 4) Կոպերատիվների տեսքով:
-
Բաժանորդագրվել
Subscribed
Already have a WordPress.com account? Log in now.
Քնարիկ Հակոբյան 