Այսօր սեպտեմբերի 21-ն է՝ Հայաստանի անկախության 30-րդ ամյակը։ Անկախության տոնը մեր կրթահամալիրը նշում է յուրահատուկ ձևով՝ Հայաստանի թաքնված անկյունները բացահայտելով։
Յուրաքանչյուր սովորող ունի ընտրության հնարավորություն, ըստ որի սովորողը կարող է ընտրել ճամփորդության ուղղությունը։ Ուղղություններն ուսումնասիրելուց հետո որոշեցի այցելել Գեղարոտի ջրվեժ։
Արագածի լանջին՝ ծովի մակարդակից մոտ 3000 մետր բարձրության վրա՝ Քասաղ գետի Գեղարոտ վտակի վրա է այս հիասքանչ ջրվեժը։ Գտնվում է Արագածոտնի մարզի Արագած գյուղից մոտ 12 կմ հեռավորության վրա։ Ձմռանը սառչում է, իսկ ամռանը սառնորակ ջրերը գահավիժում են մոտ 17 մետր բարձրությունից։ Գեղարոտի ջրվեժը նաև ունի նմանություններ, կրթահամալիրի սիրելի դարձած, Թռչկանի հետ։
Ճանապարհորդության ժամանակ ձեռք բերեցի նոր ծանոթություններ, ճանապարհի ընթացքում ունեցանք հետաքրքիր զրույցներ և քննարկումներ։
Հայաստանի անկախության տարելիցը նման կերպ նշելը համարում եմ շատ հաջողված և սիրված նախագիծ։
Ստորև ներկայացված է օրվա ֆոտոշարքը։
Քնարիկ Հակոբյան 